मिकू माकडाने सांगितले दुनियादारीचे रहस्य

Bodh Katha in Marathi

बोधकथा

टोनू घोडा आणि घोनू गाढव यांनी शेजारीशेजारीच किराणा मालाचे दुकान उघडले . हळूहळू टोनू घोड्याचे दुकान चांगलेच चालू लागले ;

पण घोनू गाढवाचे दुकान ठप्प पडले . यामुळे घोनू गाढवाला खूपच वाईट वाटू लागले . तो दु : खी राहू लागला . एकदा घोनू गाढव त्याच्या मिकू माकड या मित्राला भेटायला गेला .

• Knowledge increases by eating chocolate / चॉकलेट खाने से बढ़ता है नॉलेज

• Amazing facts world in Hindi अमेजिंग फैक्ट वर्ल्ड

• Amazing facts life-saving in Hindi / अमेजिंग फैक्ट लाइफ सेविंग

तो त्याला म्हणाला , ' मित्रा , माझे दुकान चालत नाही याचे कारण तूच सांग . वास्तविक माझ्या दुकानातील वस्तुंचे भावही टोनू घोड्याच्या दुकानातील वस्तुएवढेच आहेत .

मी मालही अगदी व्यवस्थित मापून देत असतो . ते ऐकून मिकू विचारात पडला . खूप विचार केल्यानंतर तो घोनू गाढवाला म्हणाला , ' घोनू दादा , मी तुझ्या दुकानात बसूनच तुझे दुकान का चालत नाही याचा शोध घेईन .

सांगितल्याप्रमाणे मिकू माकड दसऱ्या दिवशी सकाळीच घोनू गाढवाच्या दुकानात येऊन बसले . ते दिवसभर घोनू गाढवाच्या हालचाली पाहात होते . वरचेवर बाहेर जाऊन टोनू घोड्याच्या दुकानातही पाहात होते .

संध्याकाळ झाल्यानंतर तो घोनू गाढवाला म्हणाला , ' आता मी जातो . उद्या पुन्हा येईन .

' दुसऱ्या दिवशी सकाळी मिकू दुकानात आला . येताच घोनूला म्हणाला , ' यार घोनू , खूप भूक लागली आहे रे .

हरी पोपटाकडून चार सामोसे तरी आण . पण हो . सामोसे हरी पोपटाकडूनच आण . इतर कोणाकडून नको . ' घोनू सामोसे आणायला गेला . थोड्या वेळाने तो सामोसे घेऊन आला . दोघे सामोसे खाऊ लागले .

मिकूने सामोशाची चव घेतली आणि तो म्हणाला , “ सोनू , तू सामोसे हरी पोपटाकडून आणले नाहीस . दुसरीकडूनच कोठून तरी आणले आहेस . ' घोनू म्हणाला , ' खरं आहे तुझं . मी सामोसे हरीकडून आणले नाहीत तर काळू उंदराकडून आणले .

कारण हरी पोपट त्याच्या दुकानातच नव्हता . तो शेजारच्या दुकानात बसून गप्पा मारीत होता व मी तो परत येईपर्यंत वाट पाहू शकत नव्हतो . ते ऐकून मिकू म्हणाला , ' हीच गोष्ट तर मी तुला समजावण्याचा प्रयत्न करीत होतो .

अरे बाबा , तुही जेव्हा पाहावे तेव्हा शेजारपाजारच्या दुकानांत जाऊन गप्पा मारत असतो . अशावेळी ग्राहक तुझी कितीवेळ वाट पाहील . तेही तुझ्याप्रमाणेच शेजारच्या दुकानात जाऊन त्याला हवी ती वस्तू घेईल .

' माझ्या मित्रा , मला तुला हेच सांगायचे आहे की , तुझ्या दुकानात ग्राहक येवो वा न येवो तू दकानात बसून राहा . आज ना उद्या तुझ्या दुकानातही टोनूच्या दुकानासारखीच गर्दी होईल .

More Bodh Katha Moral Stories in Marathi